Fitok aurtengo hontan sarrera asko agortu ditu hiri :Cordoba,Granada,Barcelona,Burgos,Bilbao,Madrid,... eta beste askotan berriz,oraindik ez.Sarrerak gutxi gora behera 24 euro balioko ditu.Kontzertu hauek gehienbat bere diska berria aukezteko da "Antes de que cuente diez".Disko hau 10 kanta berriz egina dago eta honako hauek dira: 1.- Antes de que cuente diez
2.- Me acorde de ti 3.- Tarde o temprano 4.- Catorce vidas son dos gatos 5.- Todo a cien 6.- Los huesos de los besos 7.- Que me arrastre el viento 8.- Que necesario es el rock&roll 9.- Conozco un lugar 10.- La cuisine de Bernard Gehien entzuten dena edo bere "Single"-a antes de que cuente diez izenekoa da diska deitzen den bezala.
Egiiilea_:Hiart Anitua Garcia
martes, 20 de octubre de 2009
martes, 13 de octubre de 2009
Nafarroa oiinez !
Nafarroa Oinez Nafarroako Ikastolen jaia da. Urtero Nafarroako ikastola ezberdin batek hartzen du bere gain jai honen antolakuntza eta 80.0000-100.000 pertsonen artean biltzen ditu. Egun horretarako, zazpi bat kilometroko ibilbidea prestatzen da, eta bertan gune desberdinak kokatzen dira, adin eta gustu guztietarako, gorputz eta gogo behar guztiak asebetetzeko. Kirol eta kultur programazio zabala eskaintzen da, eta jateko eta edateko txosnak nonahi aurkitzen ahal dira. Lehenbiziko Nafarroa Oinez 1981ean antolatu zen. Garai hartan, Altsasuko Iñigo Aritzak hartu zuen antolatzeko ardura, aurreko inolako esperientziarik gabe. Baina, hain izan zen arrakastatsua, non urtero jarraipena izan baitu. Gainera, Euskal Herriko beste lurraldeetara ere zabaldu zen, bakoitzean izen eta nortasun propioa hartuz: Bizkaian, Ibilaldia; Gipuzkoan, Kilometroak eta Araban, Araban euskaraz.Jaiaren antolaketa txandakatu egiten da Nafarroako ikastolen artean, tokian tokiko eta unean uneko beharren arabera. Bakoitzaren egoera eta izaera izaten dira urte bakoitzean logoa eta leloa markatzen dituztenak. Egun bateko jaia bada ere, urte osoan zehar beste zenbait kirol eta kultur ekitaldi izaten dira. Beraz, urte osoko lana izaten da ikastolako ehundik gora gurasok buru-belarri aurrera eraman beharrekoa. Izan ere, gurasoak batzorde desberdinetan antolatzen dira: ekonomia-batzordea, babesleena, komunikazioa, grafismoa, osasun batzordea, ibilbidea, segurtasuna, ostalaritza eta salmentak, eta muntaia, langileak eta jarduerak. Eta Oinez egunean, aldiz, bi mila bolondres lagun izaten dira prest ikastolen jaia antolatzeko.Altsasuko lehenbiziko Oinez hari erreparatuz gero, nabarmen aldaturik agertzen zaizkigu, beraz, bai jaia bera, bai ikastolak, bai gizartea oro har. Aurrerapausoak eman ditugu irakaskuntzaren kalitatean, pedagogian, giza-baliabide eta bitartekoetan. Alabaina, handitze horrek hain zuzen, instalazioak egokitzeko premia ere ekarri digu. Horrexegatik, 2009. urte honetan, Etxarri Aranazko Andra Mari ikastolari iritsi zaio, berriz ere, ikastola guztien jai erraldoia antolatzeko txanda. Zer da Nafarroa Oinez-aAtzerritarrek Oineza zer den jakiteko. Egilea: Jesus Iribarren Itzultzaileak: Iosu Gambra eta Juan De la Vega
Urdaibaiko Guggenheim museoak 15o.ooo bisitari jasoko zituen.Gaur Bizkaiko Foru Aldundiak eta Guggenheim Bilbao Museoak Urdaibaiko handitzearen inguruko hasierako lanen nondik norakoak azaldu dizkio Museoaren Batzorde Betearazleari; izan ere, proiektu hori abian jarri da Bizkaiko Foru Aldundiarekin 2009ko ekainaren 11n sinatu zen hitzarmenari jarraiki. Museoak prentsa-ohar batean azaldu duenez, egun arte egin diren azterketen berri eman zaio Batzordeari: museo berriaren kontzeptu-eredua, bisitarien gaineko galdeketak eta merkatuaren ikerketa; zein arkitektuaren aukera eta ekonomiaren gaineko eragina (azken bi hauek oraindik egiten ari diren azterketak dira). museo berri horretarako proiektatzen den kontzeptu-ereduak oinarri du Bilboko museoaren errepikapena ez izatea. Hortaz, ez datza haren eraikinaren hedatze batean; aitzitik, “handitze eten” gisa taxutu da, bai eraikin fisikoari bai museoaren kontzeptuari dagokionez. Hiri ingurutik urrun, paisaia berezi batean, eraikitzekoa da eta hala, proiektu berriak garatzeko, harremanak eta elkartasunak sendotzeko eta ekimen berritzaile eta burutsuak aurrera eramateko aukera emango du. Oro har, eredu hori museo aldakor gisa taxu liteke, baldintzen arabera “handia” edo “txikia” izan liteke, etengabe aldatuko liteke, etengabe itxuratuko liteke. Merkatuaren ikerketa zenbat bisitari izango lukeen jakiteko, Guggenheim Bilbao Museoaren 2.668 bisitariei galdeketa egin zaie; hala, Urdaibaiko handitzeak izango lukeen bisitari kopurua,erabili diren koefizienteen arabera, 107.000 eta 188.000 pertsona artekoa izango litzatekeela jo da. Batez beste, urteko 148.000 bisitari egongo lirateke. Ekonomian izango lukeen eragina azterketa hau oraindik egiten ari diren arren (urte amaieran eguneratuko da, beste azterketen emaitzak izatean), behinbehineko emaitzek aditzera ematen dute museo berriak, eraikitze aldian, 384 milioi euroko eragina izango lukeela. Horretan barne hartzen dira eragin zuzenak, zeharkakoak eta induzituak; 169,3 milioiko barne-produktu gordina sortuko luke eta ogasunak 73,3 milioiko diru-sarrera izango luke; horrez gain, 3.536 lanpostu sortuko lirateke. Jardunak izango lukeen eraginari dagokionez, urtean 85,7 milioikoa izango litzateke eta horretan barne hartzen dira eragin zuzenak, zeharkakoak eta induzituak; 43,7 milioiko barneproduktu gordina sortuko luke eta ogasunak 19,3 milioiko diru-sarrera izango luke; horrez gain, 926 lanpostu sortuko lirateke. Azkenik, Batzorde Betearazlea eta Patronatua abenduan bilduko dira berriro eta bertan aurkeztu eta aztertuko dira egun egiten ari diren eta etorkizunean egingo diren ikerketen emaitzak.
Ibilaldia Bizkaiko Ikastolen jaia da. 1970eko hamarkadaren azken urteetan ikastolen mugimendua nabarmen sendotu eta egituratu zan, izan be, ikastola barriak sortu eta abian egozanaknabarmen hasi ziran. Testuinguru honetan sortu ziran ikastolen aldeko jaiak. Lehenengo Ibilaldia Uribe Kostako ikastolek antolatu eben Getxon 1978.urtean. 1980tik aurrera Ibilaldia urteroko hitzordua bihurtu da euskatzale guztiontzat. Urteak joan eta urteak etorri Ibilaldiak bere sortzeko arrazoiei eusten deutse: Bizkaiko Ikastolen jaialdia izatea, ikastolaren hezkuntza proiektua ezagutzera emotea eta erronka barriei aurre egiteko baliabideak eskuratzea. Bermeon 2010eko maitzaren 30ean ospatuko dana 32.edizioa izango da eta Bermeoko Eleizalde Ikastolak antolatuko dau.
Bermeoko Eleizalde Ikastola
“ Goizetan pozik goaz ikastolara gauza onak ikastera, goizetan pozik goaz ikastolara euskeraz ikastera…” Doinu honen babesean igiri ziran, lehenengoz, gure ikastolearen ateak. Ikastolen ibilbidea 60. hamarkadan hasten da, egoera larri eta gogor batean. Arazoak eta beharrizanak ugariak ziran eta egoera haretan gogoa eta ilusioaren bidez, besterik ez, orekatzen ziran hasierako buruhauste hareek. Gure ikastolearen historia hiru zatitan banandu geinke: 1966an sorrera, 1969tik 1978ra kooperatibaren eratzea eta gaurko ikastetxearen eraikitzea; eta amaitzeko, gaur egun bizitzen gagozana. Ezer baino lehen, Bermeon 1965ean EUSKARAREN LAGUNTZAILEAK izeneko taldea sortu zan eta talde honek, 1966ko urriaren 1ean Bermeoko ikastolea izango zana zabaldu eban 23 ikaslegaz Frailen konbentuko “Patroien Eskola” deritxonean. Hile batzuetara, ume kopurua asko igo zan eta baita irakasleena ere. Hurrengo urteetan elkargoa sortu eta bakarkako bideari ekin geuntsan. 1976ko abenduan Ikastetxe barria egiteko Udalaren baimena lortu zan eta 1977ko otsailaren 19an Lehen Harria jarri zan. Ikastetxe barria egin ondoren, ikastoleak 420 ume inguru batu ebazan 17 irakasleren gidaripean. Eleizalde ikastola herri honetako hainbat familiarentzat erreferente argia izan da euren semealaben heziketan, batez be, euskeraz eskainitako irakaskuntza debekatuta egoan garaietan.
Gaur egungo proiektua
Ametsak errealitate bihurtzeko plan estrategikoa dogu oinarritzat gure eguneroko lanean. Eginkizuna: alkar lagunduaz, errespetua eta parte hartzea sustatuaz, haur eskolako lehenengo hileetatik aurrera ikastola ereduan eta euskal kulturan oinarrituta, iritzi kritikodun pertsonak gizarteratuko dauzan kalitatezko heziketa integrala eskaintzea. Ikuskera: haur hezkuntza sendoa izatea. Aniztasunaren trataera planifikatua eta sistematizatua izatea. Heziketa integrala eta prestakuntza akademiko ona eskaintzea. Herriagazko lotura zuzena izatea. Irakaslego prestatua eta inplikatua izatea. Aisialdiko planifikazio indartsua izatea. Baloreak: Zerbitzu jarrera ( herritarren zerbitzurako erakundea). Euskerea eta euskal kulturearen transmisioa sustatzeko jarrerea. Alkarkidetza jarrera eta partaidetza. Alkarbizitzarako oinarrizko baloreak.
Eleizalde tar Luis Ikastola
Arene auzoa 6, 48370 BERMEO TEl. 946187593 Fax. 946187725
Bi helburu nagusi daukaz gure Ibilaldiak: 1. IBILALDIA 2010 Bermeon berton egitea gure ikastola proiektua ezagutaraztekom aukera paregabea da. Era berean, inguruan ikastola eredua indarbarritzeko baliogarria izango da 2. Gaur gaurkoz gure eskaintza 0 urtetik 16ra bitartekoa da. Orain 32 urte Ikastolaren gaur egungo eraikina sortu zanean 16 ikasgela hartzeko egin zan. Gaur egun, ostera, leku berean 34 daukaguz eta espazio aldetik, bereak emon dau. Horregaitik, azpiegitura batzuk egokitu egin behar dira eta beste barri batzuk egin. Izan be, gune estaliaren premina daukagu eta jantoki, infogela, jolasguneak…eskas geratu jakuz.
IBILALDIA 2010 Bermeon egiteak euskararen aldeko sentsibilizazioa sendotzen lagunduko dau hainbat esparruko eragileak alkar lanean egongo diralako. IBILALDIA lagungarri izango jako Bermeori euskeraz egiten jarraitzeko eta bizibarritzeko kontzientzia hartzeko.
Marigoran Kikunbera
Bermeoko 2010eko IBILALDIAk hedatuko dauan mezuaren oinarria da “Marigoran Kikunbera”. Gorantza datorren marean guk kikunbera egiten dogu. Itsasoari lotutako herria izanda gorantz datorren itsasoko marea aukeratu dogu modu metaforiko batean ikastolen inguruko mugimendua definitzeko. Ikastolen marea, euskeraren marea…mundua bera dator gorantz, beran barrikuntza eta aldaketa guztiekaz. Eta horren aurrean, bigarren berbeagaz, guk, kikunbera egiten dogu; buruz murgiltzen gara marea horretan. Honek, konfiantza erakusten dau, ez dogu eta egingo kikunbera konfiantza bako uretan. Bestetik, inplikazioa iradokitzen dau, datozen “ur barrietan” bustitzeko jokaera, urrunetik begira egon beharrean parte hartuz. Bestalde, marea gorantz dator, ez dau ondiño goia jo. Honela, zabalik izten dogu bakotxaren aportazioa marea horretarako gehikuntza izan daiten. “Kikunbera” berba bera da beste klabeetako bat, geure keinu berezia. Batetik, Bermeo bertoko adierazpide bat dalako, eta horrek, indarra eta zehaztasuna emoten deutso leloari.
Kikun
Bermeoko IBILALDIA 2010eko logoa Kiku izeneko bost puntadun izarra da, itsasoko izarra. Bere bost besoak Ibilaldia osotasunean zabalduko daben bost bideak dira:
1. ITSASOA: atal honek natura hartuko dau baitan, berarekiko errespetua eta ezagutza, ingurumenak Bermeon daukan presentzia adierazkorrena aurkeztuz, hau da, itsasoa.
2. IKASTOLA: ikastolaren izatea eta giroa islatuko dauz atal honek, bere baloreak eta proiektua, bertako ikasleak eta irakasleak, gurasoak eta langileak oro har, talde haundi eta berezi bezala aurkeztuz.
3. KULTURA: atal honek kultur adierazpide guztiak bereganatuko dauz. Iraganetik edan eta geroa sortzen dauan herri bat. Bizirik mantentzen dan herri anitz bat.
4. IZARTU: guztion parte hartze aktiboa bultzatuz, herri eta eskualde mugimendua bizteko atala. Ideiak izar bizi bihurtuz, lo egozan indar eta antolakuntzak izartuz.
5. EUSKEREA: euskerea da gure argia, gure itsas argia kasu honetan. Euskereak egiten gaitu euskaldun, ezbardin eta bakar munduan. Erabili eta bizi egingo dogu.
